Musiek
Musiek, subtiele, liggaamlose taal,
ontsmet ons van die aardse onheil, haal
ons heelhuids op uit die geslote kring
van tyd en ruimte. Engele het gesing
lank voor die vroegste woordewisseling,
die skraal veewagtertjie moes telkens weer
met siterspel die bose gees besweer
en bo die dampe van die laaste puin
sal slegs 'n enkele jubelende basuin
die magte van die duisternis ontwrig,
die chaos suiwer soos deur vuur en vloed.
Dan skrompel die deursigtigste gedig
tot perkament bevuil met mensebloed.
Music
Music, you subtle unsubstantial tongue,
cleanse us from earthly evil, have us flung
unscathed out from the closed, constricting ring
of time and space. The angels used to sing
before words first were used for parleying,
the slender shepherdess would have to play
her sitar to keep spirits’ harm at bay,
above the fumes of ruins in a trice
would one triumphant trumpet’s sound suffice
to wrest all power from darkness on the brink,
to purge the chaos as by fire and flood.
Then will the most transparent poem shrink
to parchment that’s defiled with human blood.
No comments:
Post a Comment